«Asan Sabri Ayvazov qırımtatarca eski matbuat ve menbalarda» – XX asır başında faaliyet köstergen eñ körümli qırımtatar siyasiy, cemaat ve edebiy erbaplarından biri aqqında monografiya dünya yüzüni kördi. Mezkür kitap içün malzemelerni onıñ müellifi filologiya ilimleri doktorı, professor İsmail Kerimov 50 yıl devamında topladı. Monografiyağa evel belli olmağan bir çoq malzeme kirsetildi. Kitap olğanı-olacağı 200 nushada basıldı. Kitapnı «Hazine» tükânı ya da müellifniñ özünden satın almaq mümkün.