«Halqnıñ taqdiri – menim taqdirim» – İlyas Alçikovnıñ yañı kitabı

Aluştada «Can» qavehanesinde İlyas Alçikovnıñ yañı kitabı taqdim etildi. O, 1960-ncı yıllarda Moskva aviatsiya institutına qabul etilgen ve Korolövnıñ konstruktorlıq bürosında leyhalaştırıcı müendis olıp çalışqan yekâne qırımtatarıdır. Bugün o, özüniñ 3 yıllıq işiniñ neticesi olğan «Halqnıñ taqdiri – menim taqdirim» kitabını taqdim etti. Onda müellif özüniñ ayatı ve faaliyetine dair faktlar ve adiseler aqqında hatırlavlarınen paylaşa.