Kitaplar – bu daima zekâ, zengin söz baylığı ve dünyabaqışı. Şunıñ içün de balalarğa kitap oqumağa sevgi aşlamağa kerek. Ya bu işni nasıl meraqlı ve eglenceli yapmaq mümkün? Bu aqta Book Club yañı kitap klubınıñ teşkilâtçıları – Arqadaş Genç taqımınıñ istidatlı azaları pek yahşı bileler. Keçken raatlıq künleri olar bala kitap klubınıñ genç oquyıcılarnen 8-nci körüşüvini teşkil ettiler.
