Ervin Bekirovnıñ «Bizde ne deyler?» kitabı çıqtı; bu öz qırımtatar ekvivalentlerinen beraber biñden ziyade rus atalar sözleri, aytımlar ve idiomaları yer alğan unikal cıyıntıqtır. İ. Gasprinskiy adına mediamerkezniñ desteginen neşir etilgen kitap qırımtatar tilini ögrengenlerniñ söz baylığını bayağı kenişletecek ve til bilgilerini zenginleştirecek, aynı vaqıtta onıñ idiomatik ifadeleri vastasınen halq medeniyetini daa da teren añlamaq imkânını berecek. Kitap 400 nushada neşir etildi ve onı İ. Gasprinskiy adına mediamerkezde satın almaq mümkün.