Aqmescitte «Nenkecan» qadın mecmuası, «Qırım» folklor ansambli ve «Eshil ada» banket salonı teşkil etken orta asır şairi ve bestekârı Aşıq Ümerniñ muzıkası ve şiiriyeti aqşamı keçirildi. Musafirlerni şairniñ rivayet ve efsanelerge çevirilgen hayatı ve icadınen tanış ettiler. Aqşamda Aşıq Ümerniñ eserleri «Qırım» folklor ansambli ve «Altın beşik» teatriniñ artistleri icrasında yañğıradı.
«With love» flostik studiya, «Qırım qavesi» kompaniyası tedbirniñ sponsorları oldı İnformatsion sponsorlıqnı Qaradeniz Production studiyası yaptı.
