Kollektsioner Ayder Halilov tarafından tesis etilgen ZOLAMAN müzeyi qıymetsiz bahşışqa — ressam Oleg Graçövniñ arhivine nail oldı. Tedqiqatçılar onıñ eserlerini Qırım tarihınıñ felsefiy reinterpretatsiyası olaraq tarif eteler. Arhivni müzeyge ressamnı balalıqtan tanığan Graçövler qorantasınıñ dostu Anton Trofimov bağışladı. O, müzeyniñ Graçövniñ tahminen 30 eserinden ibaret olğan mevcut kollektsiyasını toldurır.