Amet Seit-Ametovnıñ grafikası, Abdül Seit-Ametovnıñ çölmek işleri, İrina Teslenkonıñ kilimleri ve Elmira Seit-Ametovanıñ batikleri – «Zolaman» müzeyinde çoqtan beklenilgen «Topraq özegi» sergisi açıldı. İstidatlı Seit-Ametovlar aile azaları eserleriniñ bir arağa kelmesi sergi musafirleri içün mühteşem bir bahşış oldı. Bu eserlerni «Zolaman» müzeyinde 2 ay devamında körmek mümkün.
