Tek sergi degil de, balalarnıñ dünyağa samimiy baqışı. Ayder Halilovnıñ «Zolaman» müzeyinde mahsus sergi açıldı: belli ressam Madina Abdullayevanıñ yaş talebeleri öz işlerini numayış eteler. Olarnıñ eserlerinde kün batışı, sakin deñiz ve başqa manzaralar tasvirlene. Amma halq ağız yaratıcılığı ayrı bir yerni tutmaqta: talebeler öz resimleri vastasınen milliy oyunnıñ dülberligi ve ananeviy urbanıñ nefisligini aks ettireler. Sergide yer alğan 50 eserni «Zolaman» müzeyinde aprelniñ 14-ke qadar seyir etmek mümkün.