Zera Ablâzisovanıñ milliy üslüpte ve dekorativ tehnikada yaratqan resimleri ayrıca bir duyğularnı qozğay. Qırımtatar urf-adetleri ve ananeleri özgün ressam icadınıñ baş mevzusıdır. Onıñ tek oña has üslübi, dünyabaqışı bar. Eserleri ise çeşit-türlü olıp, biri-birini iç tekrarlamay. Olarnıñ episini tuvğan yurtqa, öz halqına, onıñ medeniyeti ve ananelerine sevgi birleştire.
