Qarasuvbazarlı ressam ve sanat mektebiniñ ocası Leniye Smailova eksperimentlerni seve. Yaqında ressam kiramet üzerinde resimler sızıp başladı. Ressamnıñ bildirgenine köre, kirametniñ özü ğayeler doğmasına sebepçi ola. İşte, ressamnıñ mevzularından biri qırımtatar halqınıñ sürgünligi oldı. Er bir resim – tarih levhası. Onıñ fırçısı qırımtatar halqı sürgünliginiñ kederli levhalarını canlandıra. Leniye Smailovanıñ sanatı qırımtatarlarnıñ tek accısını degil, ruhunıñ quvetini de aks ettire.