Onıñ icrasında «Tım-tım» halq oyunı seyircilerni meftün ete edi. Areketleri o qadar ince ve zarif edi ki! Milliy muzıka ne oyunlarımıznıñ sırlarını bilgen usta oyuncı.
Selime Çelebiyeva balalıqta büyük sananı tek hayallarında köre edi. O, kiçik yaşında babasız qaldı, balalığı ağır oldı. Bundan sebep genç Selime toy-cıyınlarnı pek sevgen, çünki anda istegeni qadar oynamaq mümkün edi.
