«Obraz ve söz» – Rustem Eminovnıñ yubiley sergisi açıldı

Onıñ «Unutma» resimler türkümi, meşur işahıslarnıñ portretlerini er bir qırımtatar bile, desek mubalâğa olmaz. Belli ressam Rustem Eminov bu sene 75 yaşını qayd ete. Yubiley munasebetinen Aqmescitteki Qırımtatar medeniy-tarihiy mirası müzeyinde Qırımda nam qazanğan ressamnıñ şahsiy sergisi açıldı. Sergi yılnıñ soñuna qadar çalışacaq.