Nuri Yaqubovnıñ «Ayat menbası» sergisi Sudaq içün aqiqiy bir bahşış oldı. Ressam şeerde öz resimlerini ilk sefer numayış etmekte. Onıñ eserleri — bu nur, hatıralar ışığı ile aydınlanğan kerçek obrazlardır. Ressam seyircisini Qırım soqaqları, azbar, bağça ve dağları ile kezmege yetekley. Sergi açılışında ayrıca samimiy bir müit üküm sürdi, ressamnıñ meslekdeşleri, dostları onıñ fırçısı ile yaratılğan acayip alemge daldılar.