Nina Jaba – Bağçasarayğa meftün ressam

Onıñ eserleri sayesinde qırımtatarlarnıñ XX asırda nasıl olğanları, nasıl urba kiygenleri, nasıl işlernen meşğul olğanı ve nasıl raatlanğanlarını tasavur etip olamız. Bugün ressam Nina Jaba doğğanına 150 yıl toldı. Ömüriniñ 18 yılını Bağçasarayda keçirgen ressam şeerniñ zengin mimarlığını, özgün yerli sakinlerini tasvirlegen. Qırım levhaları olğan poçta kartları biñlernen nushada basılıp, qırımtatarlar arasında pek populâr olğan. Bu kartlarnı qırımtatarlar atta sürgünlikke bile özlerinen beraber alıp, Qırımnıñ bir parçası olaraq saqlağanlar.
Levhada Nina Jabanıñ Zarema Hayredinova arhivinden alınğan eserleri qullanıldı