Nikolay Samokişniñ eseri ve Qırım tsenzurası

Sürgünlikten evel qırımtatar mevzusı sovet matbuatında yasaq olmasa da pıtraqlı mevzu sayılğan. «Burjua milletçiligi» ve siyasiy işançsızlıq kibi qabaatlavlar bu mevzuğa toqunğanlarnıñ başına yağılğan. Sovet tsenzurası «Qırımtatarlarnıñ XVII asırda Türkiyege icreti» eseriniñ müellifi ressam, akademik Nikolay Samokişni de çetlep keçmedi. 1940 senesi bu resim büyük davağa sebepçi oldı.
D.P. Ursunıñ «N.S. Samokişniñ «Qırımtatarlarnıñ XVII asırda Türkiyege icreti» resimi ve sovet tsenzurası» maqalesi esasında