Er işlerinde – ellerniñ sıcaqlığı, urf adetlerimizniñ dülberligi ve nesiller arasındaki bağ saqlıdır.
Qarasuvdazar şeeriniñ tarih-etnografik müzeyinde açılğan «Miras» adlı dekoratif- ameliy sanat sergisi, Mayye Mustafayeva ve onıñ qızı – Zarema Arslan-Aliniñ icatlarınen tanış ete. Ekspozitsiyada çeşit yönelişte olğan işler taqdim etilgendir. Qırımtatar dekoratif-ameliy sanat elementleri ayrı yerni ala. Bu yerde, urf adetlerimiznen ustalarnıñ icadı, biri birine sarmaşa. Tanış örnekler ise, yañıdan yañğıray.
