Aqmescitteki Franko adına kütüphanede belli ressam, ameliy sanat ustası, sanatşınas Mamut Çurlunıñ şahsiy sergisi işini başladı. «Qapa-qarşılıqlar» serlevalı sergide müellifniñ icadiy yolunıñ başlanğıçından bugüngece olğan çeşit devirlerge ait 90 eseri taqdim etildi. Bular – tasviriy sanat ve grafika, tekstil, çölmekçilik eserleridir, Sergide bunıñ kibi de Mamut Çurlunıñ şegirtleriniñ işleri de numayış etilmekte. «Kontrastı»sergisi öz işini yanvarniñ 29-na qadar Franko kütüphanesinde devam etecek.
