İlk sergi – Bağçasaraydaki «Arslan» merkezi öz şegirtleriniñ işlerini taqdim etti

Qırımda nağışçılarnıñ sayısı daa 11 kişige arttı. Bağçasaraydaki «Arslan» medeniy-sport merkezi qırımtatar nağışınıñ mıqlama usulını menimsegen 11 mezunnı azırladı. Ananege köre olarğa usta olğanlarını bildirgen öglükler bağlandı. Yañı ustalarnıñ işleri ilk sergilerinde taqdim olundı.