Ana-babası tiş ekimi olmasını tevsiye etkenlerine baqmadan Fatma Ametova icadiy zenaatnı sayladı. Ve yañılmadı. Onıñ istidatına cenkten evelki teatr artistleri yüksek qıymet kestiler. Sesine ise meşur Yuriy Levitan bile ayrette qalğan. Fatma Ametova – istidatlı aktrisa ve Özbekistanda qırımtatar radiosınıñ birinci diktorı. Levha Qırımtatar tarihiy-medeniy miras müzeyiniñ hadimi Sadiha Cemileva ve tarihçı, yazıcı Bogdan Gubernskiyniñ malzemeleri esasında azırlanıldı
