Aqmescitteki medeniy-eglence merkezinde sürgünlikniñ 80 yıllığına «Balalarnıñ közlerinen» serlevalı sanalaştırma taqdim etildi. Onıñ baş qaramanları Sevile Halilovanıñ reberligindeki «Nefes» nümüneviy-horeografik taqımnıñ iştirakçileri oldı. Onda qırımtatar halqınıñ 1944 senesi sürgünliginiñ adiseleri, ğurbetlikteki ağır yaşayış ve vatanğa avdet aksini taptı.
