«İrmaqlarğa qaytuv» — Aqmescitte Qırımtatar medeniy ve tarihiy miras müzeyinde mühteşem bir sergi açıldı. Onda Qırımtatar, Bağçasaray ve Yalta müzeyleriniñ fondlarından, bunıñ kibi de şahsiy kollektsiyalardan milliy urbalar taqdim etilmekte. Em eski, em zemaneviy qırımtatar dizaynerleri tarafından tikilgen 20 taqım milliy kostümler sergilendi. Tedbir musafirleri ayretlerini gizlep olamadılar.
