Aqmescitte, Amethan Sultan adına 1-nci sport mektebinde «Qırımda milliy küreşniñ canlanması ve inkişafı» mevzusında seminar keçirildi. Seminar Qırımnıñ Yalta, Sudaq, Aqmescit, Eski Qırım, Aluşta, Saq, Kezlev, Canköy şeerlerinden idmancılarnı topladı. Qızğın muzakereler devamında sportnıñ milliy küreş çeşitiniñ inkişafı yolları aqqında fikir paylaşıldı, küreşni ğayrıdan tiklev tarihı, yarışlarnıñ qaideleri ve akemligi aqqında söz yürsetildi.
