«Hayalım-oyunlarım» — «Qırım» ansambliniñ solisti, oyuncı, horeograf, «Yıldızlar» ansambliniñ reberi, Qırımda nam qazanğan artist Mayye Anafiyevanıñ Aqmescitte olıp keçken icadiy aqşamı böyle serleva altında keçti. Seyircilerge parlaq çıqışlar ve meftün etici sanalaştırmalar numayış etildi. Sanatçığa onıñ şegirtleri, «Qırım» ansamblinden meslekdeşleri qoltutmağa keldi. Kontsert rıqnen tolu salonda keçti.