Aqmescitniñ yanında yerleşken Beş Terek köyünde Musa Mamutnıñ hatırasına dua oquldı. 48 yıl evelsi — 1978 senesi iyunniñ soñunda — qırımtatarı Musa Mamut akimiyetniñ taqibine qarşı narazılıq bildirip, özüni yaqtı. Yaşağan yerini Qırımda resmiyleştirmek içün yapılğan neticesiz areketler onı ümütsizlikke tüşürdi. Musa Mamut halqımıznıñ tuvğan toprağında yaşamaq aqqı içün küreşiniñ temsili oldı.