«Qırım» folklor ansambliniñ solisti, istidatlı artist Yunus Kakura aqiqaten halq yırlarınıñ ustasıdır. Özgün sesniñ saibi olmaqnen beraber, büyük istek ve emeseverlik kibi çizgiler – onıñ içün büyük sanağa yol açtı. Şimdiki vaqıtta Yunus bey 100-den ziyade eski qırımtatar türküsini icra ete. Bir vaqıtta ise, o, artistlik faaliyeti aqqında iç tüşünmey edi, dülger olıp çalışa edi.
