Bu köyniñ taa bizim eramızğace başlanğan tarihı qırımtatarlar sürgün etilgen soñ üzüldi. İlle bu köy olğan yerde qırımtatarlar kütleviy şekilde qaytıp başlağanlarında birinci «samostroy» peyda oldı. Amma köyni ğayrıdan tiklemekniñ çaresi olmadı. Çerkez-Kermen tek eski fotolarda ve şu köy sakinleriniñ hatırlavlarında qaldı. Köy sakinleri er yılı mayısnıñ başında toplaşalar.
